P.U.E.B.L.O
Pueblo no ta un partido politico. Pueblo ta un idea un oportunidad pa duna e pueblo di Aruba e sabiduria e poder y e educacion necesario pa por logra e cambio cu Aruba mester.
E cambio ey cu lo uni e pueblo den un solo pueblo, pa por planifica e futuro di e pais. Un futuro miho y mas productivo.
E Pueblo ta e unico cu den realidad por hasi un cambio cu ideanan fresco y concreto y asina por logra elimina por completo politiconan y politicanan di antes cu nos tur por ta deacuerdo cu no ta hiba Aruba niun caminda.
PROPUESTANAN PA UN MIHO ARUBA
“Si, mi cai na caminda, gara e Bandera y sigui cu e Lucha”.
Crea Union!
Un pueblo uni ta e base di democracia fuerte.
Si nos ta traha hunto, nos voz ta mas poderoso.
Union di pueblo ta forsa pa pidi transparencia y cambio.
Cu man den man, nos por para contra corrupcion y inhusticia.
Un pueblo uni ta garantisa pa un futuro digno pa tur hende.
Propuesta pa elimina e problema di cachonan riba caya 🐶
👉 Problema:
Cachonan sin doño cu ta riba caya, creando peliger pa trafico, malestar y molester den barionan y sufrimento pa e mesun animal tambe.
👉 Solucion / Sistema:
-
Un luga special pa cachonan: un centro cu lo cuida, alimenta y duna trato digno.
-
Registro obligatorio:
-
Tur cacho den cas lo ta registra den un sistema y lo tin un tracker / microchip of un codigo unico.
-
Asina ta facil pa sa ken ta doño.
-
-
Control y Responsabilidad:
-
Si un cacho wordo haña riba caya, maltrata, of bandona → doñonan lo wordo identifica.
-
Boet entre 1.000 – 10.000 AWG pa falta segun e gravedad.
-
👉 Vision:
Cu un sistema di control, educacion y sancion, Aruba por elimina e problema di cachonan riba caya y bira ehempel mundial den cuido animal y convivencia un isla limpi y cu ta stima su animalnan.
Propuesta pa renoba sistema di educa 📚
👉 Problema:
E sistema bieu di educa tin hopi vaknan cu no ta realmente prepara un persona pa bida real. Mucha ta sali di scol sin sa tur cos cu nan lo enfrenta den dia nan dia.
👉 Solucion / Sistema nobo:
-
Elimina vaknan cu no ta aporta valor practico den bida diario.
-
Introduci vaknan esencial pa futuro:
-
Salud mental → pa muchanan siña maneha stress, emocionan y bienestar personal.
-
Finansas → pa siña administra placa, evita deuda y logra estabilidad.
-
Technologia y digital skills → pa prepara pa mundo moderno y trabounan di mañan.
-
Otro vaknan practico cu ta duna hende hermentanan pa sobrevivi y progresa.
-
👉 Vision:
Un sistema di educa renova cu lo crea un generashon di arubianonan mas fuerte, independiente y prepara pa realidat di bida. Aruba lo bira un pais cu su pueblo tin mente sano, estabilidad financiero y conocemento tecnologico pa competi mundialmente.
Propuesta pa Educacion Financiero💰📖
👉 Problema:
Pueblo ta falta conocemento basico di finansas. Sin educacion financiero, pueblo ta cay facilmente den debe, no por planifica su pension, y pais ta perde productividad.
👉 Solucion / Sistema:
-
Cursonan y charlanan pa tur persona den comunidad.
-
Cuminsa den skolnan: pa muchanan siña di edad chikito na maneha placa y planifica futuro.
-
Formacion pa adulto: pa garantisa cu tur ciudadano ta financieramente educa.
👉 Beneficio:
-
Un pueblo mas productivo cu ta sa traha y spaar conciente.
-
Balans entre trahado y pensionado: pa sistema di pension keda estable y husto.
-
Economia sostenibel: tur cos por draai normal manera mester ta, sin stress di deuda y inestabilidad.
👉 Vision:
Cu educacion financiero nacional, Aruba lo forma un generacion fuerte, consciente y prepara pa futuro. Un pueblo cu ta maneha placa sabiamente ta un pueblo cu ta crea prosperidat pa tur hende.
Propuesta pa un Aruba mas limpi:
👉 Problema:
Personanan cu ta tira sushi band’i caminda, mondi, of area publico, sin usa e luga designa. Esaki ta daña e pais su bista/aspecto y e medio ambiente.
👉 Solucion / Consecuencia:
Un ley cu ta pone sancion mas duro:
-
3 pa 6 luna sera (dependiendo di gravedad).
-
1 aña di trabou comunitario:
-
Cada tanto dia, e persona mester sali den comunidad pa piki sushi rond.
-
Participa den programa pa mantene Aruba limpi.
-
Crea conciencia, pa e pueblo cuminsa stima mas e pais.
-
👉 Vision:
Si nos aplica e regla aki cu disciplina y husticia, Aruba por bira un di e pais/isla mas limpi di planeta. Ta un meta realista si e pueblo e compromete na e bienestar di e isla.
Propuesta pa elimina adiccion riba caya y crea un Aruba liber di droga 🚫💉
👉 Problema:
Tin adictonan ambulante rond riba caya. E situacion ta un mahos bista pa turismo ya cu nos isla ta un isla turistico, y droga ta sigui daña e aspecto di nos comunidad.
👉 Solucion / Sistema:
-
Rehabilitacion en bes di abandono:
-
Tur adicto cu ta riba caya lo wordo retira y bay den un centro special pa rehbilitacion.
-
Objetivo: duna nan tratamento, apoyo psicologico y oportunidad pa reintegra den sociedad.
-
-
Control mas fuerte contra droga:
-
Leynan mas duro contra trafico y distribucion di droga, ataca puntonan di droga constantemente.
-
Castigonan mas pisa pa importado, distribuido y traficanten.
-
👉 Vision:
Cu rehabilitacion pa adictonan y castigo firme contra e fuente di droga, Aruba por bira un pais liber di droga, cu cayanan mas limpi, cu un miho bista turismo y un futuro mas sano pa nos hendenan.
Propuesta pa un Aruba sin arma di candela 🔫❌
👉 Problema:
Armanan di candela ta pone nos comunidad den peliger, cuasando crimen, y ta desbalansa seguridad di e pais..
👉 Solucion / Sistema:
-
Control total: un ley nobo pa elimina armanan di candela for di isla.
-
Castigo severo:
-
Si bo wordo haña cu un arma: 5–10 aña sera.
-
Si bo husa un arma: 20–40 aña sera.
-
Si bo mata intencional cu arma: condena pa semper.
-
👉 Vision:
Cu un ley estricto, Aruba por bira un di e paisnan mas sigur y limpi di arma den mundo. Un isla caminda pueblo y turista por sinti paz y confianza pa biba y disfruta.
Propuesta: Preso cu ta duna bèk na Comunidad 🔗🤝
👉 Problema:
Actualmente hopi preso ta pasa nan castigo sin realmente duna nada bek pa e daño cu nan por a causa na sociedad. Esaki no ta yuda reintegrashon di e persona.
👉 Solucion / Sistema:
-
Trabounan comunitario:
-
Presonan sara den kia lo sali pa participa den projectonan di limpieza, mantenimiento y ayuda social.
-
Den kia mes lo tin projectonan productivo.
-
No mas “dushi bida” den KIA:
-
E castigo lo inclui responsabilidat y trabounan real.
-
-
Reintegracion gradual:
-
Preso lo siña disciplina y skills cu por yuda nan den futuro pa traha y contribui.
-
👉 Beneficio:
-
Comunidad ta gana: mas man pa projectonan util.
-
Preso ta gana: chens pa drecha su bida y prepara pa reinsercion.
-
Pais ta gana: Kia ta bira un centro di transformacion y no di castigo so.
👉 Vision:
Un sistema caminda preso ta “paga bek” na comunidad lo crea un Aruba mas husto, productivo y humano.
Propuesta pa crea un Fondo di Emergencia di Salud Nacional y Internacional 🌍
👉 Problema:
Si un persona mester sali for di Aruba urgente pa trata un malesa, e gasto por ta hopi halto y familiarnan ta keda den angustia y preocupacion financiero.
👉 Solucion / Sistema:
-
Fondo special cu ta cubri tur gasto den caso di emergencia medico Nacional y internacional.
-
Solidaridad nacional:
-
Tur ciudadano lo aporta un mini contribushon.
-
Asina, den casonan di desgracia, tur hende lo beneficia di dje.
-
-
Trankilidad pa famia:
-
E persona enfermo y su famia por sinti mas calma, sin preocupacion di placa.
-
👉 Vision:
Un Aruba cu un fondo solidario pa malesa ta un pais cu ta proteha su pueblo. E seguridad, husticia y humanidad, garantisando cu ningun Habitante lo keda abandona den momento di urgencia.